فين الحق

و استكمالا لمسلسل الظواهر الغريبه و العجيبه في مصر بعد الثوره نجد احداث متشابكه و متداخله و يشوبها الصواب و الخطا في ان واحد ....فنجد اعتصام وزاره الدفاع التي بدات كمسيره لانصار الشيخ حازم ابو اسماعيل (و هو من وجهه نظري مسيره لشخص و ليست لمبدأ و لهذا انا كنت ضد هذه المسيره من البدايه فلو كان هذا الاقصاء لابو الفتوح مثلا ما كانوا فعلوا ما فعلوا )ثم انضم اليهم باقي القوه الثوريه من ائتلاف شباب الثوره و كفايه و 6 ابريل و حولوها من مسيره لها اهداف ممكن حلها لاعتصام غير محسوب و له اهداف مستحيل حلها سلميا لانك لا تعطي حلولا بديله و لا ترضي بالتنازلات فكيف تطلب من العسكر ان يرحل و في نفس الوقت محاسبته و منتظر منه رد فعل غير البلطجيه و كيف لا تكون مستعد لهؤلاء البلطجيه منذ البدايه و انت ذاهب للمواجهه والتصعيد و سوف ينتهي هذا الاعتصام دون رحيل العسكر كالعاده و لم نكتسب الا شهداء و مصابين ثم نأتي لسباق الرئاسه و دعم الدعوه السلفيه لابو الفتوح و انا لا انتقد هذا الدعم نكايه في شخص ابو الفتوح ولكن انا فقط مندهش من حزب النور الذي انسحب من التحالف الديمقراطي مع الاخوان بحجه تحالف الجماعه مع الليبراليين و العلمانين و في نفس الوقت دعمه ابو الفتوح الذي هو مدعوم من الليبراليين و العلمانيين (من وجهه نظرهم ) و الذي رفض اطلاق الاعلام عليه مرشح اسلامي و كان يدعوا لفصل الدعوه عن العمل السياسي في جماعه الاخوان علي حد قوله و هو رايه الشخصي و يحترم و لكن انا اريد ان اسال سؤال ما هي المبادئ التي يتبناها حزب النور و الدعوه السلفيه و ما هي الحجج التي استندوا عليها من اجل دعم ابو الفتوح للرئاسه؟ (سؤال استفهامي و ليس استنكاري )يمكن انا اللي مش بفهم كويس مثلا و ثالثا بقي قضيه احمد الجيزاوي و انا هتكلم فيها من منظور محايد فحت ...... لو بصينا للقضيه من حيث الراي العام هنلاقي الاختلاف الشديد و الشيزوفرينيا في الشعب المصري الذي دافع عن احمد الجيزاوي باستماته غريبه و مسيرات و مظاهرات امام السفاره السعوديه و سباب و شتائم ادت الي اضطراب العلاقات بين البلدين مع عدم وجود اي دليل في صالحه و نفس الشعب ده هو اللي اتهم الشيخ حازم بالكذب حتي بعد ما اخد حكم محكمه يحطه في عين التخين و عايز اسال كمان سؤال استفهامي للناس اللي بتدافع عنه و متعرفهوش ايه دليلك علي ان الجيزاوي برئ و الحكومه السعوديه اتبلت عليه غير شويه تويتات و هاشتاج و نفس السؤال للي بيهاجموا الجيزاوي ايه دليلك علي انه غلطان و مهرب ادويه غير كلام متنطور في الاعلام عمرك ما فكرت تتاكد منه حتي ؟ و في النهايه احب اقول ( اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه )....و احب اضيف حديث نبوي شريف (كفي بالمرء كذبا ان يحدث بكل ما سمع )

بس يا سيدي و قام نازل

الواحد و هو قاعد علي الكورنيش في اسكندريه و بيبص علي الموجه اللي عماله تضرب علي الصخره مره ورا مره المنظر ده فكرني بالعلاقه بين الحكومه المصريه و افه المواطن المصري .............. الحكومه واخده افانه حصري زي قنوات الحياه كده....... بعد هوجه الجنسيه باتاعه الشيخ حازم الاخوان نزلوا الشاطر علشان يضمنوا وجود حد من القوه الثوريه في الانتخابات و كان ساعتها طلعوا علي العوا و ابو الفتوح اشاعات فقالوا مبدهاش بقي .........و بعد قرار المحكمه التاريخي بانتصار الشيخ حازم علي وزارتين خارجيه و تم اثبات صدق الشيخ راحت اللجنه مديا اول قفا للشعب بضرب قرار القضاء المصري عرض الحائط و ازاله اسم الشيخ من المرشحين ...و بعد القفا ده هوك يمين بازاله اسماء المرشحين خيرت الشاطر و ايمن نور بحجه رد الاعتبار وراها هوك شمال بتفجيرات السويس و سيف يد علي الرقبه باحداث السلوم و ضربه بين الرجلين بالرجل اليمين بقتل مدير حمله العوا بالدلتا و بعد مالمواطن وقع علي الارض و ودوا المستشفي لقي هناك علي الريسيبشن عمرو اديب بيقول ان القفا بتاع ابو اسماعيل مش قفا و ان المواطن هو اللي رما قفاه علي الحكومه و بعد ما المواطن حجز قوضه فوق سطوح الاسبتاليا لقي لميس الحديدي جايا تزوروا هيا و خيري رمضان و معاهم نتيجه الطعون من الكنترول .....المواطن مستحملش و سابلهم المستشفي و مشي لقي في وشوا السايس توفيق عكاشه بيقولوا ارجع اساحبي ارجع بس سواني اساحبي في عربويا جايا و راح راميلوا خبر ان ابو الفتوح هو اللي قتل السادات و طبعا ده من ضمن حصريات موقف الفراعين الاعلامي ........... بس يا سيدي راح المواطن مخيط قفا و وشه و لبس بوكسر معدن و كلم الشيخ محمد و الاخ محمود و الرفيق طلعت و مينا و حمزه بتاع مصر الجديده و لبس احمر في ابيض في اسود و نزل الحرير يوم 20-4-2012

لماذا كان الفرعون في مصر

بسم الله الرحمن الرحيم الشعب المصري شعب متعصب بطبعه و دي فطرته اللي ربنا خلقه عليها و نقدر نشوف ده في التراس الكوره مثلا اللي يخلي التراس الاهلي مقتنع ان الحكام ضده و بيكسبه الزمالك و التراس وايت نايتس مقتنعين ان الاهلي مبيخدش الدوري غير بالحكام و التراسات باقي الانديه مقتنعين ان الحام بيجاملوا الاهلي و الزمالك علي حسابهم و بيضربوا و يشتموا بعض علي هذا الاساس و جميعهم لا يري ببساطه ان مستوي الحكام في مصر زفت بس كده التعصب بيبان كمان في الحرب علي الاخوان فاللي مع الاخوان بيدافع عنهم كانهم الملائكه فليس معني اني منهم انهم مبيغلطوش فهم بشر يصيبون و يخطؤن ولكن نحسبهم علي خير و علي ان نواياهم سليمه لحفظ الوطن و من ضدهم يظل ضدهم و ده بيبان في النقاش مع كارهيهم لما الواحد منهم بيحس انه اقتنع بيروح جايب سؤال تاني علشان يزنق اللي قدامه مش عايز يقتنع و مصدق انهم ممكن يكونوا كويسين و زود علي ده بقي (الحته اللي جايه مقتبسه عن احمد فوزي صديقي )ان الشعب لقي قدامه ابطال من زمن التاريخ و قدوات و شخصيات تؤخذ بمعني الكلمه كمثل اعلي لقي قدامه : محمد البرادعي الحاصل علي اكبر الجوائز العالميه و من ابرز من وقف امام النظام القديم و "الخواجه"اللي جايب معاه الحضاره من بره و "الوطني"اللي هيخلصنا من الفقر و الجوع لقي قدامه حازم ابو اسماعيل الاسلامي الذي يريد تطبيق شرع الله و الثوري الي لابد في الميدان و ذو الرؤيه المستقبليه الشامله و اقرب ما يكون الي زمن فات في عهد الخلافه الراشده لقي قدامه عبد المنعم ابو الفتوح القيادي الاخواني (ميزه لبعض الناس)المنشق عنهم (و دي الميزه الاخري للبعض الاخر)اللي تاريخه في الوقوف امام الظلم و امام الحاكم الجائر لا غبار عليها فكانت النتيجه الطبيعيه لامتزاج التعصب مع هذه الشخصيات ما يفوق ال40 الف توكيل للبرادعي مع تمسكه بعدم خوض الانتخابات الرئاسيه و نزول ما يفوق ال150 الف شخص كتشريفه لحازم ابو اسماعيل علشان يودي التوكيلات و اعتبار ابو الفتوح المنقذ الاتي من زمن الاعاجيب و في نفس الوقت مش قدرين يستوعبوا عدم دعم الاخوان لابو الفتوح و ابو اسماعيل في الانتخابات علشان هما مش شايفين فيهم اي اخطاء و ازاي يكون اصلا في حد احسن منهم لا تقدسوا الشخصيات و لا تجعلوا من الاشخاص فراعين جدد(جمع فرعون مش توفيق عكاشه ) و جزاكم الله خيرا و يرحمنا و يرحمكم الله

تعليق علي ترشح خيرت الشاطر

بسم الله الرحمن الرحيم انا لا اعلم و لا افهم كيف يتصور البعض ان ما فعله الاخوان المسلون من ترشيح المهندس خيرت الشاطر كذب او نفاق او خداع او تلاعب .......اوليس ترشيح فرد من حزب الحريه و العداله هو حق اصيل للحزب من البدايه و الحزب و الجماعه تخلوا عن هذا الحق في ظروف كانت احوال البلد مستقره الي حد كبير مقارنه لما نحن فيه الان و بعد ان فاز الحزب باغلب النقابات و اغلبيه مجلسي الشعب و الشوري صمم علي القرار و اكد عليه ليجعل الجميع يشاركه في خدمه الوطن (مع العلم ان في جميع الدول الديمقراطيه حزب الاغلبيه يحكم )و لكن منعا للفتن و حرصا علي التوافق بين جميع الاطياف حرصت الجماعه علي مشاركه جميع اطياف الشعب و مع ان جميع اطياف الشعب الان تحاسب الجماعه علي كل ما يحدث في البلدو تطلب منهم العمل و النهوض بالوطن لا يريدون منحهم اي سلطه تنفيذيه و المبرر ازاي هيحاسب مجلس الشعب الاخواني الحكومه الاخوانيه...فكيف تطلبون من الجماعه التنفيذ و تسحبون منها الجهه التنفيذيه باي عقل تفكرون .............. و مع ياس الجماعه من ان يتم حل حكومه الجنزوري لتمسك العسكري بها و بعد التهديد بحل مجلسي الشعب و الشوري و العوده بنا اكثر من سنه و نص لورا و مع احتماليه تكرار سيناريو الغدر و الزج بافراد الجماعه في السجون و مع اللعب الواضح من العسكر في انتخابات الرياسه من اول الزج بمرشحين فلول الي جواز السفر الامريكي لوالده ابو اسماعيل الي والد سليم العوا السوري و من يدري ماذا يحيكون لابو الفتوح و باقي الثوريين فما كان من الجماعه الا اتخاذ هذا القرار كورقه ضغط اخيره و مفاجئه لكل من كان بيلعب من تحت الطربيزه و حاطط في بطنه بطيخه صيفي من ناحيه ان الاخوان مش نازلين بمرشح مع العلم ان قرار الجماعه اتخذ بشوري 58 الي 52 يعني تقريبا 51 % بس و هذا ان دل علي شئ يدل علي النيه المبيته للجماعه للوفاء بعهدها و وعدها اللي هو في الاصل تنازل عن حق اصيل من حقوقها و اريد ان اسال كل الناس سؤال واحد ..........هل اصبح رمي الناس بالباطل و الظن السئ عادي اوي كده امال اسلام ايه و شريعه ايه اللي عايزين تطبقوها ؟ و هل بقي الطبيعي انك تخون اي حد بيتعارض مع رايك و لا تسمع الا صوت نفسك ؟ نصيحه اخيره لكل مسلم علي ارض مصر فكر في ربنا قبل ما تتكلم (هل يكب الناس في النار على وجوههم، أو على مناخرهم، إلا حصائد ألسنتهم) (( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )